慳唔慳電，人各有志。冇錯，慳電偉大到可以令全球氣溫上升減慢，但係依家好似唔係我地D窮苦人家唔慳電，你唔叫我我都自己識用完順手關燈啦，因為交電費個個人係我自己，我地呢類貧苦大眾，唔呢度慳D個度慳D，點係呢個金錢掛帥既香港苟延殘喘落去？而送完一次過既慳電膽，變相要加電費，咁送黎做乜？容乜易佢下次送個無線電話比我，跟住話以後講野都要納講野稅，咁咪仆街？

依家最唔慳電既，係自以為自己有錢既有錢人，佢地窮奢極侈，絕對唔會珍惜用錢換返黎既野，因為佢地冇野多，最多既就係錢，你叫佢慳？佢真係會叫你慳D！一句車埋黎：「依家我冇錢呀？！」你話點？唔通立例叫人唔準浪費？你睇下佢地條女（極品港女)，你就知佢平時有幾慳。呢D人，送個慳電膽比佢做乜？唔通想佢攪野個陣睇得清楚D？

窮既自已識慳，有錢既佢根本唔會去慳，所以，政府今次送慳電膽，絕對唔係為左叫大家慳電。