以上幾位經濟學家，只係小弟想呢篇文章有人search佢地個陣多個機會彈出黎，實無意冒犯，呵！乜野叫喪攪經濟學？莽夫寫經濟？唔係掛！平時成個維園阿怕咁，竟然學人攪經濟，仲要喪攪？無錯，一睇就知莽夫係吹水，唔岩睇唔岩聽請勿繼續，到此為止，祝你繼續豐盛人生。

香港依家貧富極為懸殊，貧o係邊班人？又富o係邊班人？點解唔係好似以前咁個個都搵倒食，辛苦少少都唔拘，最緊要搵倒。

香港進入地產業既年代，係貧富懸殊第一期，俗稱貧一；金融業一支獨秀既年代，就係貧富懸殊第二期，俗稱貧二。

o係貧一，百業尚未興旺，只有少數有膽色、有眼光既人，先會早著先機，建基立業，大部份人，仍然停留係搵份工搵啖食既階段，貧窮係佔大多數，但係大家都窮開，冇咁覺。

但貧二就唔同，金融業發展迅速，令好多人財富急速累積，上市收購合拼此起彼落，形成左一個社會進步既假象。但查實，無學歷既人，入唔倒金融業既人，如何？以前可以做做小販，但政府人為封殺了小販呢個無需學歷既行業，變相支持地產業，令商場租金向上，要做生意你就要租個舖！唔想做小販，以前仲可以做做工廠工人。但係工業亦因地價及人工，紛紛北望神州，變成工人冇工做，全部一頭裁進服務行業，如速遞、清潔、保安、飲食等等，僧多粥小，工資下調，形成今日局面。

咁貧三呢？貧三會係最後一卷同你講，唔想你睇住吊狗我...zzzzz

要攪活經濟，改善民生，就要改善下面那班人既生活，攪掂下面，怨氣自然少，佢地搵倒錢，亦唔會日日黎煩住你，要你比福利。上面班人都搵夠啦，只要佢地保本生息，根本餓佢地唔死，只係會搵少左，下面班人就唔同，生活捉襟見肘，食餐飯都要諗過度過，做人既野，有時你幫下我，我幫下你，唔好計咁多，佢地生活好左，第日咪又係幫趁返你班大商家，你話係咪，唔係你話起埋d縮水樓邊個幫你買?

喪攪經濟學第一條就係：重發小販牌照

重發小販牌照好處：

• 可以等呢班搵唔倒工，冇學歷既人有一條生路。
• 減少申領綜援數目，人地搵倒錢，自然唔想攞綜援，如發現欺騙綜援，重罰，罰佢錢又係政府一條財路，佢繼續呃，就繼續罰，罰到佢比唔起。
• 大量工人重投小販行業，清潔、速遞、保安、飲食等行業人手緊張，工資自然上調。
• 小販多了，活化社區經濟。

壞處：

大把，但每樣野都有好有壞，當年扼殺小販謀生，咪一様係壞處，咁政府咪又係做？公平d，唔係淨係幫住有錢班人至得。

〔待續〕